ირაკლი კობახიძე (40 წლის)
  • საქართველოს პარლამენტის ყოფილი თავმჯდომარე
  • 25 სექტემბერი, 1978 წელი - თბილისი
  • თბილისის სახელმწიფო უნივერსიტეტი, წარჩინებით - სამართლის მაგისტრი (1995-2000)

    2006 წელს დიუსელდორფის უნივერსიტეტში დაიცვა სადოქტორო დისერტაცია პოლიტიკური პარტიების სამართლის თემაზე და მიენიჭა სამართლის დოქტორის (Dr. iur.) აკადემიური ხარისხი.

  • იურისტი
  • ახალგაზრდა პოლიტიკოსი რომანტიკოსი პოეტის ვარცხნიობითა და მზერით - ირაკლი კობახიძე საქართველოს პარლამენტის ყოფილი თავმჯდომარე და კონსტიტუციის ახალი რედაქციის ავტორია. სამართლის დოქტორი 2015 წელს „ქართული ოცნების“ აღმასრულებელი მდივანი გახდა, 2016 წელს კი საქართველოს პარლამენტის თავმჯდომარეობა ჩაიბარა. ერთი შეხედვით მშვიდი და აკადემიური, პოლიტიკაში საკმაოდ აგრესიული გამოდგა და არასამთავრობო სექტორთან ერთად, რომლებსაც ფაშისტებიც კი უწოდა, საკუთარივე თანაპარტიელები, ე.წ. „ძველ გვარდიაც“ დაიპირისპირა. მისი ხისტი შეფასებები ხშირად გამხდარა მედიის კრიტიკის საგანი. ცნობილია, რომ სტუდენტობისას ირაკლი კობახიძე მუსიკითა და სპორტით იყო გატაცებული და კიდევ, ეს ის პერიოდია, როდესაც ირაკლის მამა გიორგი კობახიძე საქართველოს მეოთხე მოწვევის პარლამენტის ვიცე სპიკერი იყო.

  • მეუღლე - ნატალია მოწონელიძე, ჰყავს ორი შვილი.

  • საქართველო
  • საქართველოს პარლამენტის ყოფილი თავმჯდომარე; თბილისის სახელმწიფო უნივერსიტეტის ასოცირებული პროფესორი (2014 წლიდან). ირაკლი კობახიძე არის კონსტიტუციონალისტი და არაერთი სამეცნიერო ნაშრომისა და სახელმძღვანელოს ავტორი კონსტიტუციური სამართლის სფეროში.პროფესიულ საქმიანობას ეწეოდა სხვადასხვა საერთაშორისო ორგანიზაციაში. 2015 წლიდან არის პარტია „ქართული ოცნება - დემოკრატიული საქართველოს“ აღმასრულებელი მდივანი, პოლიტიკური საბჭოს წევრი.

ეს პერსონა
Top