რონი სოლბერგი ანაკლიის განვითარების კონსორციუმის დირექტორთა საბჭოს ტოვებს

ეს პერსონა

"ანაკლიის განვითარების კონსორციუმის" მიერ 15 ნოემბერს ჩატარებული სამეთვალყურეო საბჭოს სხდომის ოქმის მიხედვით, რონი სოლბერგი "ანაკლიის განვითარების კონსორციუმის" თანადირექტორის პოსტიდან გადადგა. საჯარო რეესტრს მონაცემთა ცვლილების დასარეგისტრირებლად კონსორციუმმა ოფიციალური განცხადებით დღეს მიმართა. 

რონი სოლბერგი თანამდებობაზე 2017 წელს დაინიშნა,მანამდე კი "აჭარისწყალი ჯორჯიას" პროექტში იყო ჩართული და კომპანიის CEO-ს პოსტს იკავებდა.

ინფრასტრუქტურის მაია ცქიტიშვილის განცხადებით, სახელმწიფო ანაკლიის განვითარების კონსორციუმს ნაკისრი ვალდებულებების შესასრულებლად ვადას 2019 წლის 31 დეკემბრამდე აძლევს. თუ აღნიშნული ვალდებულებები არ იქნება შესრულებული, ვიცე-პრემიერის თქმით, მთავრობა კონსორციუმთან 2016 წელს დადებულ შეთანხმებას, სავარაუდოდ, გაწყვეტს.

"მე მგონია, რომ მათ ვერ დაინახეს საკმარისი მხარდაჭერა მთავრობის მხრიდან. მე ვფიქრობ, რომ თუნდაც დღეს, ინფრასტრუქტურის მინისტრი ან ეკონომიკის მინისტრი თუ აიღებს ტელეფონს და დაურეკავს, ისინი მაინც ჩამოვლენ და ისევ განაცხადებენ ინტერესს ამ პროექტში მონაწილეობაზე. თუ რა ფორმით, რა სიდიდით, რა ინვესტიციით, ეს ყველაფერი სამსჯელოა. ჩვენ შეგვიძლია დავსხდეთ და ვიმსჯელოთ მათ ინტერესებზეც. მთავრობამ ყველა ინვესტორთან მიმართებით უნდა გადადგას ამგვარი ნაბიჯი და ეს ისევდაისევ ამ პროექტის ძალიან დიდი მნიშვნელობიდან უნდა გამომდინარეობდეს", - ამბობს ლევან ახვლედიანი.

იმ შემთხვევაში თუ სახელმწიფო კონსორციუმთან დადებულ საინვესტიციო შეთანხმებას შეწყვეტს, ლევან ახვლედიანის განცხადებით, მაღალი ალბათობით კონსორციუმის აქციონერთა მხრიდან საარბიტრაჟო დავა დაიწყება.

 

წყარო: bm.ge
0
0
0
0
0
კომენტარები
ეს პერსონა
Top