ახალციხეში მურა დათვზე უკანონო ნადირობის ფაქტი გამოავლინეს - მოქალაქემ წითელ ნუსხაში შეტანილი კავკასიური დათვის ბელი მოკლა

ეს პერსონა

უკანონო ნადირობა ახალიციხის მუნიციპალიტეტში - მოქალაქემ წითელ ნუსხაში შეტანილი კავკასიური დათვის ბელი მოკლა. ინფორმაციას გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი ავრცელებს.

"მოქალაქემ, სოფელ ტყემლანას მიმდებარედ, გაუფორმებელი იარაღით მოინადირა წითელ ნუსხაში შეტანილი კავკასიური მურა დათვის ბელი, რომლის წონამ 30 კგ. შეადგინა. სამართალდამრღვევი ნანადირევის ტრანსპორტირებას ავტომანქანით ორ თანმხლებ პირთან ერთად ახდენდა. იგი იარაღითა და ნანადირევით გაქცევას შეეცადა, მაგრამ გარემოსდაცვითი ზედამხედველობის დეპარტამენტის, სამცხე-ჯავახეთის რეგიონული სამმართველოს თანამშრომლებმა მიმალვის საშუალება არ მისცეს. სამართალდამრღვევმა ჩადენილი დანაშაული აღიარა. 
ვინაიდან აღნიშნული სამართალდარღვევა სისხლის სამართლის ნიშნებს შეიცავს, მასალები, შემდეგი რეაგირების მიზნით, შინაგან საქმეთა სამინისტროს ახალციხის რაიონულ სამმართველოში გადაიგზავნა", - ნათქვამია უწყების  მიერ გავრცელებულ ინფორმაციაში. 

0
0
0
0
0
კომენტარები
ეს პერსონა
Top