მმართველ გუნდსა და ოპოზიციას შორის გამართული მოლაპარაკებების ფასილიტატორი დიპლომატები განცხადებას ავრცელებენ

ეს პერსონა

მმართველ გუნდსა და ოპოზიციას შორის გამართული მოლაპარაკებების ფასილიტატორი დიპლომატები ერთობლივ განცხადებას ავრცელებენ. ფასილიტატორები  დიალოგის მონაწილეებს შეთანხმების მიღწევას ულოცავენ და  მხარეებს მოუწოდებენ დაიცვან შეთანხმება და უზრუნველყონ მისი წარმატებით მიღება პარლამენტში, ასევე შემდგომი განხორციელება საქართველოს ხალხისა და ქვეყნის საკეთილდღეოდ.  განცხადების ტექსტს აშშ-ის საელჩო  ავრცელებს.

"ვულოცავთ პოლიტიკური დიალოგის მონაწილეებს დღევანდელ წარმატებულ შეთანხმებას, რაც უმნიშვნელოვანესი ნაბიჯია საქართველოში პოლიტიკური გარემოს დეპოლარიზაციისა და ნორმალიზაციის მიღწევაში, წლის ბოლოს დაგეგმილი საპარლამენტო არჩევნებისთვის მზადების პროცესში.

დღევანდელი შეთანხმება ითვალისწინებს, რომ საარჩევნო სისტემა 2020 წლის არჩევნებისთვის დაეფუძნება 120 პროპორციულ და 30 მაჟორიტარულ მანდატს, საარჩევნო ოლქების სამართლიან განაწილებას, 1%-იან საარჩევნო ბარიერს და ჩამკეტს, რომელიც უზრუნველყოფს, რომ ხმების 40%-ზე ნაკლების მიმღებმა პარტიამ ვერ შეძლოს საპარლამენტო უმრავლესობის შექმნა.

შეთანხმებას თან ახლავს მხარეების ერთობლივი განცხადება, რომელშიც აღიარებულია, რომ თავისუფალი და სამართლიანი არჩევნების ჩატარება უფრო ზოგადი მიზანია, იმის გათვალისწინებით, რომ აუცილებელია რეაგირება ქმედებებზე, რომლებიც შესაძლოა აღქმულ იქნეს როგორც სასამართლო და საარჩევნო პროცესების არასათანადო პოლიტიზაცია და მომავალში მსგავსი ქმედებები თავიდან უნდა იქნეს აცილებული.

ვაღიარებთ, რომ დღევანდელი შეთანხმება არის ერთ-ერთი საყრდენი წერტილი საქართველოს დემოკრატიული განვითარების გზაზე. მოვუწოდებთ ყველა მხარეს, დაიცვას ის და უზრუნველყოს მისი წარმატებით მიღება პარლამენტში და შემდგომი განხორციელება საქართველოს - ხალხისა და ქვეყნის - საკეთილდღეოდ", - აღნიშნულია განცხადებაში.

 

0
0
0
0
1
კომენტარები
ეს პერსონა
Top