სახალხო დამცველი პანდემიაზე: ეს არის სრულიად ახალი და უცხო მდგომარეობა

ეს პერსონა

"ეს არის როგორც ჩვენთვის, ასევე მსოფლიოსთვის სრულიად ახალი და უცხო მდგომარეობა, შესაბამისად საზოგადოებრივ ცხოვრებაში ბევრი რამის რეგულირება განვითარებული მოვლენების პარალელურად მოხდება." - სახალხო დამცველი ნინო ლომჯარია კორონავირუსის პანდემიად გამოცხადების შესახებ წერს.

"ახლა როგორც საჯარო, ისე კერძო სექტორს სჭირდება მკაფიო რეკომენდაციები, როგორ ვაგრძელებთ საქმიანობას, როგორ უნდა მივიღოთ გადაწყვეტილება ვინ გადადის ონლაინ და დისტანციურ მუშაობაზე და ვისი გამოცხადება არის აუცილებელი სამსახურში. ერთის მხრივ დასაცავია ყველა დასაქმებულის უსაფრთხოება, მეორეს მხრივ, სასიცოცხლო და აუცილებელი სერვისების მიმწოდებელმა უწყებებმა უნდა მიაწოდოს მოქალაქეებს შესაბამისი მომსახურება.

სახალხო დამცველის აპარატში უკვე მიმდინარეობს ამ საკითხებზე მუშაობა. ჩვენ საკითხს ვუყურებთ როგორც დასაქმებულთა უსაფრთხოების დაცვის პერსპექტივიდან, ასევე ვითვალისწინებთ იმას, რომ მოქალაქეებს უნდა მივაწოდოთ აუცილებელი მომსახურება ადამიანის უფლოებების დაცვის სფეროში.

მიმაჩნია, რომ აუცილებელია მთავრობასთან არსებულმა საბჭომ გამოსცეს რეკომენდაციები როგორც კერძო, ასევე საჯარო სფეროში დასაქმებული პირების სამუშაო რეჟიმის მიმართ, რათა მიდგომა იყოს ერთგვაროვანი და გამოირიცხოს თვითნებური და სუბიექტური გადაწყვეტილებები საჯარო თუ კერძო სექტორში." - წერს ლომჯარია.

0
0
0
0
0
კომენტარები
ეს პერსონა
Top