ელისაბედ II-ის ტახტზე ყოფნის 68 წელი - ფოტოამბავი

318 წაკითხვა
0 კომენტარი
espersona.com/article/14911 ბმული დაკოპირდა

დღეს, 21 აპრილს დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალს, ელისაბედ მეორეს 94 წელი შეუსრულდა. დედოფლის კორონაციიდან კი 68 წელი გავიდა, რა დროის განმავლობაშიც ბრიტანეთში პრემიერ-მინისტრი 12-ჯერ შეიცვალა (მეცამეტე ბორის ჯონსონია) ხოლო, აშშ-ში პრეზიდენტი - 13-ჯერ.

მონარქის დაბადების დღესთან დაკავშირებით, "ეS პერსონა" წარმოგიდგენთ ფოტოკოლაჟს, რომელიც ელისაბედ მეორის მმართველობის თითოეულ წელს ასახავს.

#1953 წელი

ელისაბედ მეორე ტახტზე 1952 წელს ავიდა, თუმცა გვირგვინის დადგმის ცერემონია 1953 წელს გაიმართა. ღონისძიება სატელევიზიო, ასევე რადიო მაუწყებლობის მეშვეობით მსოფლიოს მასშტაბით გადაიცემოდა.

#1954 წელი

დედოფალი უინსტონ ჩერჩილთან ერთად ლონდონში, ვატერლოოს სადგურზე დედას, ელიზაბედ ბოუზ-ლაიონს ელოდება, რომელიც აშშ-დან ერთთვიანი მოგზაურობის შემდეგ დაბრუნდა.

#1955 წელი

ელისაბედ მეორე ავტომობილით მივიდა ლონდონში, პორტუგალიის საელჩოში, სადაც პორტუგალიის პრეზიდენტისა და პირველი ლედის ვიზიტის აღსანიშნავად, წვეულება უნდა გამართულიყო.

#1956 წელი

ელისაბედ მეორე და მისი ქმარი, პრინცი ფილიპე ნიგერიაში, ქალაქ ლაგოსის საზღვართან. დედოფლის გვერდით ობა ადენიჯი-ადილა მეორე ზის, რომლის ოჯახი 2060 წლის განმავლობაში ლაგოსს მართავდა.

#1957 წელი

გლოსტერშირის საგრაფოს სოფელ ბედმინტონში დედოფალი და მისი და, პრინცესა მარგარეტი, ცხენთა შეჯიბრს ესწრებიან.

#1958 წელი

ლონდონის ოდეონის თეატრში, ყოველწლიური სამეფო კინოფესტივალის ფარგლებში, დედოფალი ლეგენდარულ მსახიობს, ჯეინ მენსფილდს შეხვდა.

#1959 წელი

ელისაბედ მეორე, აშშ-ის პრეზიდენტი დუაიტ ეიზენჰაუერი, პრინცი ფილიპე, პრინცესა ანა და პრინცი ენდრიუ (შოტლანდია, ბალმორალის კოშკის ტერიტორია)

#1960 წელი

ოჯახური პორტრეტი - ელისაბედ მეორე და პრინცი ფილიპე ბავშვებთან ერთად

#1961 წელი.

ბუკინგემის სასახლეში ელისაბედ მეორემ და პრინცმა ფილიპემ აშშ-ის მაშინდელი პრეზიდენტი, ჯონ ფ. კენედი და მისი ცოლი ჟაკლინი მიიღეს. ორი წლის შემდეგ, დედოფლამა კენედის დასაფლავებაზე მისვლა ვერ მოახერხა, რადგან პრინც ედვარდზე იყო ფეხმძიმედ.

#1962 წელი

ელისაბედ მეორე დედასთან ერთად ქალაქ ესკოტში გამართულ რბოლას ესწრება.

#1963 წელი

ელისაბედ მეორე და პრინცი ფილიპე ესტუმრნენ ადელაიდას, (სამხრეთ ავსტრალია) სადაც სამეფო წყვილს 90 000-მდე სკოლის მოსწავლე შეეგება. ზოგიერთმა მათგანმა დედოფალთან შესახვედრად ასობით მილი გაიარა.

#1964 წელი

დედოფალი ეწვია კანადას, სადაც კვებეკის პროვონციის საკანონმდელო ორგანოს ფრანგულ და ინგლისურ ენებზე მიმართა.

#1965 წელი

დედოფალი ელისაბედი დიდი ბრიტანეთის მეორე პრემიერ-მინისტრის, უინსტონ ჩერჩილის დაკრძალვას დაესწრო.

#1966 წელი

ელისაბედ მეორემ ფეხბურთის მსოფლიო ჩემპიონატის თასი ინგლისის ნაკრების კაპიტანს, ბობი მურს გადასცა. ეს ჯერჯერობით ერთადერთი შემთხვევაა, როცა ინგლისის ნაკრებმა მსოფლიო ჩემპიონატი მოიგო

#1967 წელი

კანადაში ოფიციალური ვიზიტით მყოფმა დედოფალმა წვიმას ელექტრონულ მატარებელში შეაფარა თავი.

#1968 წელი

სამეფო საჰაერო ძალების 50 წლის იუბილეზე, ელისაბედ მეორე და პრინცი ფილიპე აბინგდონში მდებარე სამხედრო ბაზას ეწვივნენ.

#1969 წელი

ბუკინგემის სასახლეში დედოფალმა ასტრონავტებს: ნილ არმსტრონგს, მაიკლ კოლინსსა და ედვინ „ბაზ“ ოლდრინს უმასპინძლა.

#1970 წელი

დედოფალი აშშ-ის მაშინდელ პრეზიდენტთან რიჩარდ ნიქსონთან, აშშ-ის პირველ ლედისთან და დიდი ბრიტანეთის პრემიერ-მინისტრ ედვარდ ჰიტთან ერთად ჩექირში, ბრიტანეთის პრემიერ-მინისტრთა ქალაქგარეთა რეზიდენციაში.

აღნიშნულ ადგილს ელისაბედ მეორე მხოლოდ სამჯერ ეწვია.

#1971 წელი

ელისაბედ მეორე და იაპონიის იმპერატორი ჰიროჰიტო, ბუკინგემის სასახლის კარიბჭესთან, ღია ეტლით პროცესიას მიჰყვებიან.

#1972 წელი

ელისაბედ მეორე აზიური ტურნეს ფარგლებში მალაიზიას ესტუმრა. დედოფალი ადგილობრივ ბავშვებთან სასაუბროდ გაჩერდა.

#1973 წელი

ელისაბედ მეორე მეუღლესთან ერთად ტორონტოში, გამოფენაზე დასასწრებად ჩავიდა

#1974 წელი

ელისაბედ მეორე და პრინცი ფილიპე მალაიზიის მეფის სადღეგრძელოს სვამენ

#1975 წელი

სამეფო კინოფესტივალის ფარგლებში ელისაბედ მეორე მსახიობ ბარბარა სტრეიზანდს შეხვდა

#1976 წელი

აშშ-ის პრეზიდენტმა ჯერალდ ფორდიმ თეთრ სახლში ელისაბედ მეორე გამოიცეკვა.

#1977 წელი

დედოფალმა ტახტზე ასვლიდან 25 წელი - ვერცხლის იუბილე აღნიშნა. ფოტოზე ჩანს, რომ დედოფალი წმინდა პავლეს ტაძარში ცერემონიის დაწყებამდე.

#1978 წელი

ბუკინგემის სასახლეში დედოფალი თავის მცველებს, მსოფლიოს უძველეს სამხედრო კორპუსს აკვირდება.

#1979 წელი

საუდის არაბეთში, სულთანი ჰალი დედოფალ ელისაბედ II-ის ესკორტს მიყვება

#1980 წელი

დედოფალი პირველად ეწვია ვატიკანს, სადაც ის იოანე-პავლე მეორეს შეხვდა.

#1981 წელი

სანამ პრინცესა დაიანა და პრინცი ჩარლზი ერთმანეთს კოცნიან, დედოფალი მათ ქორწილში მისულ 600 000 ადამიანს აკვირდება.

#1982 წელი

ანგლიკანებსა და კათოლიკეებს შორის უთანხმოების მოსაგვარებლად, იოანე პავლე მეორე დიდ ბრიტანეთს პირველად ეწვია

#1983 წელი

ელისაბედ მეორემ დედა ტერეზას საპატიო ორდენი გადასცა (ნიუ დელი)

#1984 წელი

ელისაბედ II ეწვია გერმანიის ქალაქ დორტმუნდს, სადაც სამეფო ლეგიონის არტილერია მოინახულა.

#1985 წელი

დედოფალი და ლონდონის Times-ის მფლობელი რუპერტ მერდოკი გაზეთის ბეჭდვის პროცესს აკვირდებიან. ელისაბედ მეორის ვიზიტი გაზეთის 200 წლის იუბილეს უკავშირდებოდა.

#1986 წელი

ელისაბედ მეორე ჩინურ კანტონში, ამჟამინდელ გუანჯოუში ვიზიტისას.

#1987 წელი

დედოფალი დედასთან და მეუღლესთან ერთად საუდის არაბეთის მეფეს, ფაჰდს მასპინძლობს. ეს სურათი ბანკეტამდეა გადაღებული, რომელიც მეფის საპატივსაცემოდ გაიმართა.

#1988 წელი

დედოფალი ეწვია ნიდერლანდებს, ორ ქვეყანას შორის თანამეგობრობის 300 წლის იუბილის აღსანიშნავად. ამ სურათში ელისაბედ მეორე ნიდერლანდების დედოფალ ბეატრიქსთან ერთად, არნჰემ-ოოსტერბიკის საომარ სასაფლაოს ეწვია, სადაც მეორე მსოფლიო ომის დროს დაღუპული ბრიტანელი ჯარისკაცები არიან დაკრძალულნი.

#1989 წელი

დედოფალი მალაიზიაში ვიზიტის დროს, სულთან სალაჰუდინ აბდულ აზიზ შაჰს შეხვდა. ელისაბედ მეორემ მეჩეთში მისვლამდე განსხვავებულად ჩაიცვა.

#1990 წელი

დედოფლის 65 წლის იუბილესთან დაკავშირებით გამართულ სამხედრო აღლუმს სამეფო ოჯახი ბუკინგემის სასახლის აივნიდან უყურებს.

#1991 წელი

აშშ-ში ვიზიტის ფარგლებში ელისაბედ მეორე პრინც ფილიპესთან და აშშ-ის მაშინდელ პრეზიდენტ ჯორჯ ბუშ უფროსთან ერთად, ბალტიმორში, სტადიონ მემორიალის მოედანზე გავიდა.

#1992 წელი

უინძორის სასახლეში ხანძარი გაჩნდა, რის შედეგადაც შენობის დიდი ნაწილი განადგურდა

#1993 წელი

დედოფალი ორ ქალიშვილს - ელისაბედ მეორესა და პრინცესა მარგარეტს შორის დგას. ფოტო გადაღებულია ლონდონში, წვეულებაზე, რომელიც დედოფლის დაბადების დღის აღსანიშნად გაიმართა.

#1994 წელი

დედოფალი ელისაბედი და საფრანგეთის პრეზიდენტი ფრანსუა მიტერანი ლა-მანშის გვირაბის გახნის ოფიციალური ცერემონიაზე.

#1995 წელი

აშშ-ის პრეზიდენტი ბილ კლინტონი და მისი ცოლი ჰილარი, დედოფალ ელისაბედს ეწვივნენ

#1996 წელი

დედოფალი შოტლანდიის ქალაქ დანბლეინში მომხდარი მასობრივი მკვლელობის ადგილზე მივიდა, სადაც 16 ბავშვი და ერთი მასწავლებელი მოკლეს.

#1997 წელი

დედოფალი და პრინცი ფილიპე ყვავილების ზღვას უყურებენ, რომელიც ბუკინგემის სასახლესთან, პრინცესა დაიანას სიკვდილის შემდეგ დატოვეს.

#1998 წელი

ოჯახური ფოტო - დედოფლის დედა, რომელსაც 98 წელი შეუსრულდა, კლერენსს ჰაუსში შვილებთან, შვილიშვილებთან და შვილთაშვილებთან ერთად.

#1999 წელი

დედოფალი გლაზგოში, მაკკერონის საცხოვრებლის ასოციაციის სახლში, საცხოვრებლის მენეჯერთან ლიზ მაგგინისთან და სუზან მაკკერონთან ჩაის სვამს

#2000 წელი

ელისაბედ მეორე ბუკინგემის სასახლის აივნიდან, დედის 100 წლის იუბილეს აღნიშნავს .

#2001 წელი

დედოფალი 2001 წლის 11 სექტემბრის მსხვერპლთა პანაშვიდზე. (წმინდა პავლეს ტაძარი)

#2002 წელი

ერთთვიანი ინტერვალებით დედოფალს დედა და უმცროსი და დაეღუპა. სურათზე: ელისაბედ მეორე დედის დაკრძალვაზე.

#2003 წელი

პუტინი ეწვია დიდი ბრიტანეთის დედოფალს, რათა აღედგინა ერაყის ომით დაღრვეული დიპლომატიური კავშირები. ეს იყო მისი ბოლო ვიზიტი დიდ ბრიტანეთში.

#2004 წელი

ჰაიდ-პარკში პრინცესა დაიანას მემორიალი დადგეს. (გარდაცვალებიდან 10 წლის შემდეგ)

#2005 წელი

ელისაბედ მეორე და პრინცი ფილიპე ლონდონში მომხდარი ტერაქტის დროს დაღუპულთა საპატივსაცემოდ, წმინდა პავლეს ტაძარში გამართულ მსახურებას დაესწრნენ.

2005 წლის, 7 ივლისს მომხდარ დაბომბვას 52 ადამიანი ემსხვერპლა.

#2006 წელი

ელისაბედ მეორე მეუღლესთან ერთად მისი დაბადების დღისამდი მიძღვნილ ფოიერვერკს უყურებს. ამ წელს დედოფალს 80 წელი შეუსრულდა.

#2007 წელი

ელისაბედ მეორე და პრინცი ფილიპე თეთრ სახლში ყოველწლიურ სადილს დაესწრნენ, რომელსაც აშშ-ის მაშინდელი პრეზიდენტი ჯორჯ ბუში-უმცროსი და მისი ცოლი ლაურა უძღვებოდნენ.

#2008 წელი

დედოფალი სიტყვით გამოდის საფრანგეთის პრეზიდენტის, ნიკოლა სარკოზისადმი მიძღვნილი ვახშმის წინ, უინძორის სასახლეში.

#2009 წელი

მიშელ ობამამ სამეფო პროტოკოლი დაარღვია, რადგან დედოფალს ჩაეხუტა

#2010 წელი

დედოფალი და პრინცი ჩარლზი Braemar Gathering-ის თამაშების დროს

#2011 წელი

ელისაბედ მეორის შვილიშვილი, პრინცი უილიამი და ქეით მიდლტონი სამეფო ოჯახის სხვა წევრებთან ერთად ფოტოს იღებენ

#2012 წელი

ლონდონში დედოფლის მმართველობის 60 წლის იუბილის აღსანიშნავად 1.2 მილიონი ადამიანი შეიკრიბა.

#2013 წელი

პაკისტანელი მოზარდის, შემდგომში ნობელის ლაურეატის, მალალა იუსაფზაისა და ელისაბედ მეორის შეხვედრა ბუკინგემის სასახლეში. მალალა შუა აღმოსავლეთის ქალთა უფლებების დამცველის სტატუსით იყო წარმოდგენილი.

#2014 წელი

ლონდონის ტაუერში კერამიკული ყაყაჩოებით გარშემორტყმული დედოფალი. თითოეული ყაყაჩო სიმბოლურად აღნიშნავდა მეორე მსოფლიო ომის დროს დაღუპულ სამხედროს (სულ ინსტალაციაში 888.246 ყვავილი იყო).