მამუკა ხაზარაძე: საკმარისია ხაჭაპურზე კომენტარები, ისაუბრეთ გაჩერებულ ქვეყანაზე

ეს პერსონა

მოძრაობა "ლელოს" დამფუძნებელი მამუკა ხაზარაძე  ინფრასტრუქტურის მინისტრის, მაია ცქიტიშვილის მისამართით მის მიერ გაკეთებულ განცხადებასთან დაკავშირებით განმარტებას აკეთებს. ხაზარაძე უარყოფს, ბრალდებებს რომ მისი გამოთქმა, სექსისტური შინაარსის იყო და განმარტავს, რომ  ის მინისტრის სქესს არ გულისხმობდა.

"ჩემი დღევანდელი განცხადება მაია ცქიტიშვილთან დაკავშირებით ადამიანების ნაწილმა აღიქვა როგორც სექსისტური.

თუ ვინმემ ეს გამონათქვამი ქალების შეურაცხყოფად ჩათვალა, მინდა ხაზგასმით განვმარტო: ეს გამოთქმა არ გულისხმობდა მინისტრის სქესს. ზუსტად იგივე კონტექსტში ვახსენე ხაჭაპურის ცხობა გასულ კვირას ინგა გრიგოლიას გადაცემაში პროკურატურაზე საუბრისას. („ხაჭაპურებივით აცხობენ საქმეებს“).

მინდა ძალიან მკაფიოდ განვაცხადო ორი რამ: ქალთა თანასწორობა და უფლებების დაცვის საკითხი ჩემთვის და ჩემი თანაგუნდელებისთვის პრინციულად მნიშვნელოვანია; და ამის დასტურია ბევრი ქალი ჩვენს გუნდში და თანასწორი გარემო, რომელსაც აქ ვქმნით.

მეორე, რომ არ იყოს ორაზროვნება, მინისტრი ცქიტიშვილი არაკომპეტენტურია ისევე როგორც ოცნების მთავრობა ბიძინა ივანიშვილის თამადობით.
საკმარისია ხაჭაპურზე კომენტარები, ისაუბრეთ გაჩერებულ ქვეყანაზე", - წერს ხაზარაძე "ფეისბუქის" გვერდზე. 

0
0
0
0
0
კომენტარები
ეს პერსონა
Top