ხათუნა გოგორიშვილის თქმით არჩევნებზე "თავისუფალ დემოკრატებთან" ერთად იქნება

ეს პერსონა

„თავისუფალ დემოკრატებთან“ თანამშრომლობა უკვე შემდგარია და საპარლამენტო არჩევნებზე ჩვენ ერთად ვიქნებით, როგორც ერთი სუბიექტი, – ამის შესახებ პარლამენტის ფრაქცია „ევროპული საქართველოს“ წევრმა, ხათუნა გოგორიშვილმა საქართველოს პირველი არხის გადაცემაში „კვირის ინტერვიუ“ სტუმრობისას განაცხადა.

„თუმცა, ეს იმას არ ნიშნავს, რომ შესაძლოა, „ევროპულ აქართველოს“ ვინმე ახალი სუბიექტი არ შემოუერთდეს. ამ მიმართულებით რამე რომ იყოს, ნამდვილად გეტყოდით, ვისთან არის მოლაპარაკება, თუმცა, შეიძლება, ვიღაც ასეთი გამოჩნდეს – ან უკვე არსებული პარტია, ან შესაძლოა, ახალი პარტია შეიქმნას“, – განაცხადა ხათუნა გოგორიშვილმა.

მისი თქმით, არსებობს კონკრეტული მექანიზმი, რაც საარჩევნო კანონში უნდა ჩაიდოს და, რომელიც ამომრჩეველს ამ მიმართულებით დააზღვევს.

„ერთ მაგალითს გეტყვით. მაგალითად, ჩვენი ერთ-ერთი მოთხოვნაა, არჩევნების დღეს საარჩევნო უბნიდან ხუთასი მეტრის რადიუსში თავშეყრა აიკრძალოს“, – განაცხადა ხათუნა გოგორიშვილმა.

გოგორიშვილმა ასევე აღნიშნა, რომ 2020 წლის არჩევნებზე ბევრი პოლიტიკური სუბიექტი იქნება, ყველას თავისი მხარდამჭერი ეყოლება და ეს იქნება მეორე მთავარი ფაქტორის გარანტია, რომ იქნება ძალიან მაღალი აქტივობა, რაც ყველაფერ ცუდსა და უარყოფითს გაართულებს.

0
0
0
0
0
კომენტარები
ეს პერსონა
Top