პეტრე ცაავა პატრიარქის გადაწყვეტილებას არ ემორჩილება - რას გეგმავს ყოფილი მღვდელმთავარი

ეს პერსონა

ჭყონდიდის ეპარქია მეუფე გრიგოლ კაციამ გადაიბარა. ყოფილი მიტროპოლიტი პეტრე ცაავა კი საქართველოს კათოლიკოს-პატრიარქის გადაწყვეტილებას, რომლის თანახმად ის ცოდვების მოსანანიებლად შიომღვიმის მონასტერში უნდა წავიდეს, არ ემორჩილება. მეუფე პეტრემ საკუთარი პოზიცია მარტვილში ქორეპისკოპოს თეოდორე ჭუაძესა და თავის შემცვლელ მეუფე გრიგოლ კაციასთან გამართული შეხვედრის შემდეგ გამოხატა.

მეუფე გრიგოლის ჩასვლამდე უკვე მიტროპოლიტობიდან გადაყენებულმა მეუფე პეტრემ სასულიერო პირებთან და მრევლთან დამშვიდობება მოასწრო. ყველაზე ემოციური გამომშვიდობებმა ჭყონდიდის ყოფილ მიტროპოლიტს სკოლაში მოუწყვეს. მეუფე პეტრესთან ერთად სკოლას დღეს მისი დირექტორიც დაემშვიდობა.

მრევლთან და სასულიერო პირებთან დამშვიდობების პარალელურად, მარტვილში მეუფე პეტრეს მხარდამჭერი სასულიერი პირები და თეოლოგები შეიკრიბნენ და საპატრიარქოს მხილების მიზნით დამოუკიდებელი გამოძიების დაწყება დააანონსეს.

მიტროპოლიტობიდან განყენებული მეუფე ამ დრომდე მარტვილში რჩება. პეტრე ცაავა ეპარქიაში საქმეების გადაბარების დასრულებამდე იქნება, შემდეგ კი, თუ პატრიარქმა მისი თხოვნა დააკმაყოფილა, შიომღვიმის მონასტრის ნაცვლად ის მისთვის სასურველ ტაძარში გააგრძელებს მსახურებას.

წყარო: რუსთავი 2
2
0
1
1
2
კომენტარები
ეს პერსონა
Top