ბილ გეიტსი მდიდარი ადამიანებისთვის ახალი გადასახადების დაწესების იდეას აკრიტიკებს

ეს პერსონა

ბილ გეიტსი, Microsoft-ის დამფუძნებელი  გამოეხმაურა დემოკრატ ელიზაბეთ უორენის გეგმას, რომლის მიხედვითაც მდიდარი ადამიანებისთვის ახალი გადასახადი უნდა დაწესდეს. მილიარდერის თქმით აღნიშნული რეგულაცია ბიზნესინოვაციებს ხელს შეუშლის.

„მე 10 მილიარდი მაქვს გადასახადებში გადახდილი, იმდენი რამდენიც არავის, 20 მილიარდიც რომ იყოს არაუშავს, მაგრამ როდესაც მეუბნებით, რომ 100 მილიარდი უნდა გადავიხადო, ვიწყებ ანგარიშს იმისა, თუ რა დამრჩება“, - განაცხადა ბილ გეითსმა.

თავად ელიზაბეთ უორენი 2020 წლის საპრეზიდენტო არჩევნებში აპირებს მონაწილეობას, ბილ გეითსს შეხვედრას სთავაზობს.

აღსანიშნავია, რომ უორენის ინიციატივის მიხედვით, ოჯახი, რომლის ქონებაც 50 მილიონიდან 1 მილიარდ დოლარამდე მერყეობს, ყოველწლიურად დაიბეგრება 2-პროცენტიანი მდიდრების გადასახადით. ხოლო ვინც 1 მილიარდზე მეტს ფლობს, ის 3 პროცენტით. დემოკრატი პოლიტიკოსის თქმით, ახალი გადასახადით მობილიზებულ თანხებს ის ჯანდაცვის რეფორმას მოახმარს, რომლის განხორციელებასაც აპირებს და რომელიც მთავრობას 20 ტრილიონ დოლარზე მეტი დაუჯდება 10 წლის განმავლობაში.

შეგახსენებთ, ბილ გეითსი მსოფლიოში რიგით მეორე ყველაზე მდიდარი ადამიანია „ფორბსის“ მიხედვით, მისი ქონება 106 მილიარდ დოლარზე მეტია.

 

0
0
0
0
0
კომენტარები
ეს პერსონა
Top