ანტონიო ბანდერასი (59 წლის)
  • მსახიობი, მომღერალი
  • 10 აგვისტო, 1960 წელი - დაიბადა ანდალუზიაში
  • მსახიობი
  • ეს პერსონა ცნობილია, როგორ ესპანეთში ერთ-ერთი ყველაზე პოპულარული მსახიობი, პროდიუსერი და მომღერალი. ანტონიო ბანდერასი სამსახიობო კარიერის დაწყებამდე, აქტიურად თამაშობდა ფეხბურთს და სკოლის გუნდს დიდი წარმატებაც მოუტანა. თუმცა, მისი ოცნება 14 წლის ასაკში დასრულდა, როდესაც ფეხი მოიტეხა. სამსახიობო კარიერის საძიებლად ანტონიო ბანდერასი 1979 წელს მადრიდში გადავიდა საცხოვრებლად, სადაც თავის გატანის მიზნით მიმტანად და მოდელად დაიწყო მუშაობა. 
    სამსახიობო კარიერა პედრო ალმადოვარის ფილმებში შესრულებული როლებით დაიწყო. 1987 წელს გამოვიდა პედრო ალმადოვარის ფილმი „სურვილის კანონი“(1987), სადაც ბანდერასი ჰომოსექსუალის როლს თამაშობს. აღნიშნულმა ფილმმა ესპანურ მედიასა და საზოგადოებაში დიდი ყურადღება მიიპყრო. 1992 წელს შედგა მისი დებიუტი ჰოლივუდურ ფილმში „მამბოს მეფეები“. იქიდან გამომდინარე, რომ ბანდერასი ამ დროს ინგლისურად ვერ საუბრობდა, ფილმისათვის მისი დიალოგი ფონეტიკურად შეასწავლეს. 1998 წელს „ზოროს“ როლის შესრულებისთვის ბანდერასმა მნიშვნელოვანი აღიარება მოიპოვა როგორც საზოგადოებაში, ასევე კინო სამყაროში. 1999 წელს ბანდერასის რეჟისორული დებიუტი შედგა. მან „გიჟი ალაბამა“ გადაიღო, რომელშიც მისი მეუღლე, მელანია გრიფიტი იღებდა მონაწილეობას. 
    ესპანეთში დაბადებული საერთაშორისო ვარსკვლავი გაეროს განვითარების პროგრამის კეთილი ნების ელჩად, 2010 წლის 17 მარტს დაინიშნა. ბანდერასი ასევე ქალთა მიმართ ძალადობის წინააღმდეგ გამოდის, ხოლო ქალთა საერთაშორისო დღეზე ესპანურ და ინგლისურ ენაზე ვიდეო მიმართვა გაავრცელა, სადაც თქვა, რომ:  “ქალთა მიმართ ძალადობა მიუღებელია და  უნდა დასრულდეს.“

  • არის განქორწინებული. პირველი მეუღლე - ანა ლეზა, რომელსაც 1988 წელს დაშორდა. მეორე მეუღლე - მელანია გრიფიტი, მსახიობი, რომელსაც 2015 წელს გაშორდა. ჰყავთ საერთო შვილი - სტელა ბანდერასი. დედა - ანა გალეგო, სკოლის მასწავლებელი, ხოლო მამა - ხოსე პიეტრო, პოლიციის ოფიცერი.

  • არის ესპანეთის მოქალაქე
  • მეგობრობს პედრო ალმადოვართან, სალმა ჰაიეკთან, ჯასტინ ტიმბერლეიკთან...  

  • მისი ჰობია ფილმების ყურება, ვარჯიში, სიმღერა.
ეს პერსონა
Top