ნინო ბურჯანაძე (55 წლის)
  • პოლიტიკოსი
  • 16 ივლისი, 1964 წელი - დაიბადა თერჯოლაში
  • დაამთავრა თბილისის სახელმწიფო უნივერსიტეტის იურიდიული ფაკულტეტი. სწავლობდა მიხეილ ლომონოსოვის სახელობის სახელმწიფო უნივერსიტეტის საერთაშორისო სამართლის კათედრის ასპირანტურაში. არის იურიდიულ მეცნიერებათა დოქტორი

  • იურისტი
  • ეს პერსონა ცნობილია, როგორც პოლიტიკოსი. 2001 წელს, საქართველოს პარლამენტის თავმჯდომარე გახდა. 2003 წელს, ნინო ბურჯანაძე ზურაბ ჟვანიასთან და მიხეილ სააკაშვილთან ერთად, შევარდნაძეს დაუპირისპირდა. სათავეში ედგა 23 ნოემბრის „ვარდების რევოლუციას“ და მთავრობის შეცვლის შემდეგაც, თავისი კუთვნილი თანამდებობა შეინარჩუნა. 7 წლის მანძლზე, იგი საქართველოს პარლამენტის თავმჯდომარე იყო. მიხეილ სააკაშვილი მას მარგარეტ ტეტჩერს ადარებდა და ქართველ რკინის ლედის უწოდებდა. 2007 წლის, 7 ნოემბერს, როდესაც მიხეილ სააკაშვილის ბრძანებით მომიტინგეთა აქცია დაარბიეს და “იმედში“ შეიჭრნენ, მან ამ ფაქტს გამართლება მოუძებნა და სააკაშვილის მთავრობას მხარი დაუჭირა. 7 ნოემბრის შემდეგ სააკაშვილი გადადგა და 40 დღე პრეზიდენტის მოვალეობას ბურჯანაძე ასრულებდა. 2008 წელს, როდესაც მიშა კვლავ პრეზიდენტი გახდა და საპარლამენტო არჩევნების დროც დადგა, ცნობილია, რომ ნინომ მას 50 კაციანი სია წარუდგინა, იმ პირებისა, რომელთა შეყვანაც მას პარლამენტში სურდა. თუმცა, სააკაშვილმა მას სიის წევრებზე უარი უთხრა. ბურჯანაძემ სააკაშვილის გუნდი დატოვა. განაწყენებულმა ნინომ, ახალი პარტია შექმნა სახელწოდებით „დემოკრატიული მოძრაობა - ერთიანი საქართველო“. საქართველოს გაერთიანებას, როგორ აპირებდა, იმ მომენტში, პირდაპირ არ საუბრობდა, მაგრამ შემდეგ მისმა ქცევებმა ყველაფერს ნათელი მოჰფინა. გულნატკენმა, პარტიის დატოვებიდან, ზუსტად ნახევარ საათში განაცხადა, რომ ახალ ოპოზიციურ ძალას ქმნიდა და ხალხს მისი მხარდაჭერისკენ მოუწოდა. ოპოზიციაში წასულ ბურჯანაძეს, 2008 წლის 1 მაისს, პრეზიდენტმა სააკაშვილმა 1 ლარად გადაუფორმა სახელმწიფო ქონება, კერძოდ კი აგარაკი წყნეთში. შეიძლება ვთქვათ, რომ ეს მხოლოდ და მხოლოდ „ნაციონალური მოძრაობის“ შიდა სამზარეულოს გაუთქმელობის საზღაური იყო. მაგრამ, 2009 წლიდან იგი კვლავ, აქტიურად ჩაერთო პოლიტიკურ ბრძოლაში. მისი აქციებისგან განსაკუთრებით გამოირჩევა 26 მაისის აქცია, რომლის ერთ-ერთი მთავარი ორგანიზატორი, თავად იყო და რომელიც სამართალდამცავებმა ძალისმიერი მეთოდით დაშალეს. საბოლოოდ, ნინოს ყველა მცდელობა, მოსულიყო ქვეყნის სათავეში წარსულს ჩაბარდა. 2012 წლის არჩევნების ბედი „ქართული ოცნების“ სასარგებლოდ გადაწყდა და ნინო კვლავ თამაშგარე მდგომარეობაში აღმოჩნდა. მას შემდეგ, რაც ყველა არჩევნები წააგო, იგი აღარ ერიდებოდა წინა და მოქმედი ხელისუფლების კრიტიკას. განსაკუთრებით, სააკაშვილი იყო მისი „დღის წესრიგის“ შემადგენელი ნაწილი და „ლოცვა-კურთხევას“ და ბრალდებათა მრავალტანიან სიის გამომზეურებასაც არ ერიდებოდა. ამბობდა, რომ ის იყო ერთადერთი ვისაც, მიშას „მოთოკვა“ შეეძლო, თუმცა არ საუბრობდა იმაზე, თუ რატომ უჭერდა მხარს მის ძალადობრივ ქმედებებს და 7 ნოემბერს რატო ამართლებდა მის ქმედებებს. პუტინთან შეხვედრის შემდეგ ნინოსთვის, ამერიკა ბოროტების მანქანა იყო, ხოლო „ნატოში“ შესვლა კი საქართველოსთვის დამღუპველი. ის დღემდე საქართველოს უბლოკო სტატუსის მომხრეა. ამჟამად, იგი თავიდან, ცდილობს თავისი პარტიის გაძლიერებას და გეგმავს 2020 წლის არჩევნებში მონაწილეობის მიღებას. ნულოვანი ბარიერიანი პროპორციულ  საარჩევნო სისტემაზე გადასვლა მისთვის მომგებიანია, რადგან 2016 წელს მან 5%-იანი ბარიერის გადალახვა ვერ შეძლო.

  • ჰყავს მეუღლე ბადრი ბიწაძე და ვაჟი ანზორ ბიწაძე. მისი მეუღლე - გენერალური პროკურორისა და შინაგან საქმეთა მინისტრის მოადგილე იყო, ასევე საქართველოს მთავარი სამხედრო პროკურორი და სასაზღვრო პოლიციის უფროსი. ხოლო, მამა ანზორ ბურჯანაძე კი - თერჯოლის რაიკომის მდივანი, პურპროდუქტების მინისტრი და ტურიზმის სამმართველოს უფროსი.

  • არის საქართველოს მოქალაქე
  • 1995 წლიდან გახდა საქართველოს პარლამენტის წევრი „საქართველოს მოქალაქეთა კავშირის“ სიით. იყო ეუთოს საპარლამენტო ასამბლეის ვიცე პრეზიდენტი და ევროკავშირისა და საქართველოს საპარლამენტო თანამშრომლობის კომიტეტის თავმჯდომარე.  

ეს პერსონა
Top