ნათია კაპანაძე (35 წლის)
  • აჭარის ტელევიზიის ყოფილი დირექტორი
  • 20 იანვარი, 1985 წელი
  • სწავლობდა თბილისის სახელმწიფო უნივერსიტეტში მედიასამართლის სამაგისტრო პროგრამაზე

  • ჟურნალისტი
  • ეს პერსონა ცნობილია, როგორც აჭარის ტელევიზიისა და რადიოს დირექტორი (2016-2019). 2019 წლის აპრილში, მრჩეველთა საბჭოს გადაწყვეტილებით ის თანამდებობიდან ვადაზე ადრე გაათავისუფლეს. ამ ამბავს, საკმაოდ დიდი გამოხმაურება მოჰყვა საზოგადოებაში, კონკრეტულმა ნაწილმა ეს ფაქტი პოლიტიკურ ზეწოლას დაუკავშირა, თანამშრომელთა გარკვეულმა სეგმენტმა და ბორდის წევრებმა კი ის თანხების არამიზნობრივ გაფლანგვასა და ერთპიროვნულ მმართველობაში დაადანაშაულა.
    აჭარის ტელევიზიის დირექტორობამდე, საზოგადოება, მას როგორც, ახალგაზრდა იურსიტთა ასოციაციის მედიის სამართლებრივი დაცვის ცენტრის, სამართლებრივი ინფორმაციის ცენტრისა და მედიის მხარდაჭერის ფონდის ხელმძღვანელად, ისე იცნობდა. 

  • ჰყავს შვილი

  • არის საქართველოს მოქალაქე
  • მეგობრობს: მარინა ვაშაყმაძესთან, გოგი გვახარიასთან, ნათია კუპრაშვილთან...

  • მისი ინტერესების სფეროა - მედიასამართალი
  • ნათია კაპანაძე 2016 წელს აჭარის ტელევიზიისა და რადიოს დირექტორის თანამდებობაზე დაინიშნა. 2017 წელს, მას ამავე ტელევიზიის იურიდიული სამსახურის უფროსი - მალხაზ ბოლქვაძე დაუპირისპირდა. ბოლქვაძე კაპანაძეს დისკრიმინაციულ მოპყრობაში ადანაშაულებდა და აღნიშნავდა, რომ დირექტორი ერთპიროვნულად იღებდა გადაწყვეტილებებს და არ ითვალისწინებდა მის აზრს. დაახლოებით, 2 წლის შემდეგ, მრჩეველთა საბჭოს ორმა წევრმა, მისი გადაყენება მოითხოვა, ერთპიროვნული მმართველობის, ხელფასების არგაუცემლობის და თანხების არამიზნობრივი ხარჯვის გამო. 2019 წლის აპირლში გამართულ ფარულ კენჭისყრაზე (სადაც, მისი იმპიჩმენტის საკითხი წყდებოდა), 5 კაციანი ბორდის 4 წევრმა, მის წინააღმდეგ მისცა ხმა და თანამდებობიდან გაათავისუფლა. ამის გამო, კაპანაძემ სარჩელით მიმართა სასამართლოს და მისი გადაყენების ფაქტს უკანონო უწოდა. ამ ამბების შემდეგ, საკმაოდ, ბევრი მხარდამჭერიც გამოუჩნდა მას. ჟურნალისტურ და სამართლებრივ წრეებში აღნიშნავდნენ, რომ კაპანაძის დროს აჭარის ტელევიზია ყველაზე დამოუკიდებელ და დაბალანსებულ ტელევიზიად ჩამოყალიბდა და რომ, არხის ეს მდგომარეობა ხელისუფლების უკმაყოფილებას იწვევდა და რომ, სწორედ „ოცნების“ წევრთა ზეწოლით გათავისუფლდა კაპანაძე თანამდებობიდან. აჭარის ტელევიზიის დირექტორობამდე, იგი ამავე არხის განვითარების მენეჯერის პოზიციას იკავებდა. ასევე, „მედიაჩეკერზე“ მუშაობდა ბლოგერად და იყო „კოალიცია მედიის ადვიკატირებისთვის“ წევრი. 

არ არის პოსტი
ეს პერსონა
Top