ელგუჯა გოცირიძე (62 წლის)
  • საქართველოს პარლამენტის წევრი
  • 20 მარტი, 1958 წელი - დაიბადა თერჯოლაში
  • დაამთავრა თბილისის სახელმწიფო სამედიცინო ინსტიტუტის - სამკურნალო საქმე. 2005 წელს, დისერტაციის დაცვის შემდეგ, მიენიჭა დოქტორის სამეცნიერო ხარისხი

  • მედიკოსი
  • ეს პერსონა ცნობილია, როგორც „ჩაჩავას კლინიკის“ გენერალური დირექტორი. იგი ამ თანამდებობას 2016 წლამდე იკავებდა, შემდეგ კი პოლიტიკაში გადაწყვიტა წასვლა, „ქართული ოცნების“ გუნდს შეუერთდა და ასე გახდა, მილიონერი ექიმი პარლამენტის წევრი და ტყიბულისა და თერჯოლის მაჟორიტარი დეპუტატი. გარდა „ჩაჩავას კლინიკის“ გენ.დირექტორობისა, იგი ამ კლინიკის აქციების მფლობელიცაა. 2013 წელს, მისმა ყოფილმა თანამშრომლებმა, გოცირიძე კორუფციაში, ფულის გათეთრებასა და აქციების ჩალის ფასად მითვისებაში დაადანაშაულეს. აცხადებდნენ, რომ მან შეძლო მთლიანად „ჩაჩავას კლინიკა“ მიზერულ ფასად შეეძინა, იმის გათვალისწინებით, რომ იგი ტენდერში მარტო იღებდა მონაწილეობას. ამ პერიოდიდან მოყოლებული, ყოფილი ექიმის შემოსავლებმა ელვის სისწრაფით იმატა და 2016 წლის დეკლარაციაში მისი ქონება მილიონს აჭარბებს. წყაროთა თქმით, სწორედ მან და მისმა კოლეგებმა გაიღეს დიდი თანხები, სალომე ზურაბიშვილის კანდიდატურის მხარდასაჭერად და გასამარჯვებლად. თუმცა, იგი ამ ფაქტს უარყოფს და მორიგ ცილისწამებად აფასებს.

  • ჰყავს მეუღლე და ორი შვილი. მისი ერთ-ერთი შვილი, „ღუდუშაურის კლინიკის“ აქციების მფლობელია. მათ ამ ყველაფრის შეძენა, პარლამენტის ყოფილი თავმჯდომარის დავით ბაქრაძის შუამდგომლობით შეძლეს. 

  • არის საქართველოს მოქალაქე
  • მისი სამედიცინო საქმიანობა 80-იანი წლებიდან იწყება. იყო ტყიბულის საავადმყოფოს ქირურგიული განყოფილებისა და სამშობიარო სახლის გამგე; 90-იან წლებში „ჩაჩავას კლინიკაში“ იწყებს მუშაობას პერინატალური მედიცინისა და მეანობა-გინეკოლოგიის სამეცნიერო-კვლევითი ინსტიტუტის მთავარ ექიმად. 2001 წელს, ამ კლინიკის გენერალური დირექტორი ხდება და 2016 წლამდე ხელმძღვანელის პოსტს იკავებს. 2014 წელს მიენიჭა თბილისის სახელმწიფო სამედიცინო უნივერსიტეტის საპატიო დოქტორის წოდება. მისი ინიციატივით, ამ უნივერსიტეტის წარჩინებულ სტუდენტებს დაენიშნათ სახელობითი სტიპენდია. არის შპს „საქცივპროდუქტის“ პარტნიორი.  

არ არის პოსტი
ეს პერსონა
Top