რუსუდან გოცირიძე (45 წლის)
  • საქართველოს ევანგელისტურ-ბაპტისტური ეკლესიის ეპისკოპოსი და ქალთა უფლებების აქტივისტი.
  • 08 თებერვალი, 1975 წელი - დაიბადა ქალაქ თბილისში
  • დაამთავრა ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი ინგლისური ენის სპეციალობით. არის ილიას უნივერსიტეტის ქრისტიანული თეოლოგიის მაგისტრი

  • ინგლისური ენის ფილოლოგი
  • ეს პერსონა ცნობილია, როგორც პირველი ქალი ეპისკოპოსი. მან შეძლო და დაარღვია ყველა რელიგიური დოგმატი და უმცირესობათა უმცირესობაში აღმოჩნდა. საქართველოსთვის უჩვეულო ამპლუაში მყოფი მუდამ იბრძვის, ქალთა, რელიგიურ უმცირესობათა თუ სექსუალურ უმცირესობათა უფლებების დასაცავად. თავდაპირველად, როდესაც იგი ამ თანამდებობაზე დაინიშნა, თავად რომის პაპიც კი აცხადებდა, რომ ქალის ხელდასხმის საკითხი ბავშვთა გარყვნილების ცოდვასაც კი უტოლდებაო. დროთა განმავლობაში სიტუაცია და დამოკიდებულებები შეიცვალა. თუმცა, მაინც მიიჩნევს რომ საქართველო შედარებით არატოლერანტული ქვეყანაა, სადაც სიმშვიდის მოპოვება რთულია და სადაც, ეწინააღმდეგებიან ყველაფერს/ყველას, რაც/ვინც კი უმცირესობაშია. 
    2006 წლიდან აქტიურად იბრძვის ქალთა უფლებების დასაცავად. იყო კონფლიქტებისა და კვლევების მოლაპარაკებების საერთაშორისო კვლევითი ცენტრის გენდერისა და რელიგიური უმცირესობების განყოფილების მკვლევარი და ტრენერი. 2014 წელს ამერიკის შეერთებული შტატების სახელმწიფო მდივნის ქალთა სიმამაცის ჯილდოს მფლობელიც გახდა. ეს ჯილდო მას მიშელ ობამამ გადასცა. ამბობს, რომ მისი მიღებიდან მალევე, გაიზარდა მომართვიანობა და პარალელურად უკმაყოფლებაც, რადგან ყველა ქალის დახმარება მისთვის წარმოუდგენელი ფაქტი აღმოჩნდა.  
    ხშირად, რელიგიური თემების გარდა, მას მედიაში ვხედავთ, როგორც ქვეყანაში პოლიტიკური სიტუაციის შეფასების ექსპერტად, ლგბტ თემის უფლებების დამცველად. სწორედ, მან დასწერა ჯვარი პირველ გეი წყვილს საქართველოში. 
    მისი რელიგიური ქადაგებებიდან, ყველაზე რეზონანსულია ქადაგება, სადაც იგი იესოს პროვოკატორად მოიხსენიებს. „იესომ სერიოზული შეურაცხყოფა მიაყენა ებრაელი ადამიანების რელიგიურ გრძნობებს და ძალიან მიზანმიმართულად, ისე კი არა - შემთხვევით. ქალებს ესაუბრებოდა, რაც მისთვის სასტიკად აკრძალული იყო და ფაქტობრივად, ამ ყველაფრის გამო ეცვა ჯვარს“ - ამბობს ის.

  • ჰყავს მეუღლე და ორი შვილი

  • არის საქართველოს მოქალაქე
  • მისი ჰობია ფოტოგრაფია და ხატვა. ინტერესების სფეროა: ქალი და რელიგია; ქალთა უფლებები და გენდერული თანასწორობის საკითხები რელიგიურ თემებში, რწმენის თავისუფლება.
  • 2000-2005 წლებში იყო საქართველოს ბაპტისტური ეკლესიის ქალთა მსახურების წინამძღოლი. 2007 წლიდან არის სახალხო დამცველთან არსებული რელიგიათა საბჭოს და საბჭოს ანალიტიკური ჯგუფის წევრი. 

ეს პერსონა
Top