ბრიტნი სპირსი (37 წლის)
  • მომღერალი
  • 02 დეკემბერი, 1982 წელი - დაიბადა მაკ-კომბში
  • მომღერალი
  • ეს პერსონა ცნობილია, როგორც ამერიკელი მომღერალი, რომელიც 90-იან წლებში იქცა მეინსტრიმული პოპულარული მუსიკისა და კულტურის მნიშვნელოვან ფიგურად.
    ბრიტნი სპირსი პატარაობიდან იყო მუსიკით გატაცებული. 12 წლის ასაკში სატელევიზიო შოუში „მიკი მაუსის კლუბში“ იღებდა მონაწილეობას, რომლის წევრებიც იყვნენ კრისტინა აგილერა, რაიან გოსლინგი, ჯასტინ ტიმბერლეიკი და ა.შ. 1999 წელს გამოვიდა მომღერლის პირველი სტუდიური ალბომი „...Baby One More Time“, რომელმაც ბილბორდის ჩარტში პირველი ადგილი დაიკავა. ალბომი იმ დროისათვის მოზარდი სოლო შემსრულებლის მიერ გამოცემულ ყველაზე გაყიდვად ალბომად იქცა. ბრიტნი სპირსის მეორე სტუდიური ალბომი „Oops!... I Did It Again“, 2000 წელს გამოვიდა და წინამორბედივით წარმატებული გამოდგა. ალბომი მხოლოდ ამერიკაში მილინიონზე მეტ ეგზემპლარად გაიყიდა, ხოლო სინგლი „„Oops!... I Did It Again“ საერთაშორისო ჰიტად იქცა. 2001 წელს ბრიტნი სპირსმა 8 მლნ. დოლარიანი კონტრაქტი გააფორმა „Pepsi“-თან და გახდა კომპანიის სახე. 2002 წელს „ფორბსმა“ სპირსი ყველაზე გავლენიან მომღერლად დაასახელა. მცირეხნიანი პაუზის შემდეგ, სპირსი საზოგადოებას მეოთხე ალბიმით „, In the Zone“(2003) დაუბრუნდა. ალბომის გამოსვლას თან დაერთო არაერთი სკანდალი, რომელშიც პოპ-მომღერალი გაეხვა. მომღერალმა იქორწინა ბავშვობის მეგობარზე, ჯეისონ ალენზე, რომელსაც 55 საათში გაშორდა. გაშორებიდან ერთი წელიც არ იყო გასული, როდესაც მოცეკვავეზე, კევინ ფედერლაინზე დაინიშნა. მედია პოპ-ვარსკვალვის ცხოვრებას აქტიურად აშუქებდა და ხშირად იჭრებოდა მომღერლის პირად ცხოვრებაში. 
    სკანდალების მიუხედავად, ბრიტნი აგრძელებდა ახალ ალბომზე მუშაობას. 2011 წელს გამოვიდა მომღერლის მეშვიდე ალბომი „Femme Fatale“. ალბომი დიდი პოპულარობით სარგებლობდა ა.შ.შ-სა და კანადაში. სინგლმა „Hold It Against Me“ კი, ბილბორდის ჩარტში პირველი ადგილი დაიკავა. 2012 წელს გახდა ამერიკული „იქს ფაქტორის“ ყველაზე მაღალანაზღაურებადი ჟიურის წევრი, რომელსაც სეზონში 15 მლნ დოლარს უხდიდნენ. 2013 წელს ბრიტნიმ მომღერალ will.i.am -თან ერთად ჩაწერა სიმღერა „Scream & Shout“, რომელიც 2012-2013 წლების ყველაზე გაყიდვადი სიმღერა გახდა. იმავე წელს გამოვიდა მომრერლის მერვე სტუდიური ალბომი „Britney Jean“. ალბომში შესული სინგლები „Work Bitch“ და „Perfume“ ჩარტების სათავეებში მოექცა. 
    კარიერის მანძილზე სპირსმა მიიღო მრავალი ჯილდო და ნომინაცია, მათ შორის - გრემი, MTV-ს ვიდეოს 6 ჯილდო, ბილბორდის 9 ჯილდო და ვარსკვლავი ჰოლივუდის დიდების ხეივანში.

  • ამჟამად არ არის დაქორწინებული. პირველი ქმარი - ჯეისონ ალენი, რომელსაც 2004 წელს გაშორდა. მათი ქორწინება 55 საათს გაგრძელდა.
    მეორე ქმარი - კევინ ფედერლაინი, რომელზეც 2004 წელს იქორწინა. ჰყავთ ორი საერთო შვილი. ერთმანეთს 2006 წელს დაშორდნენ. 
    დედა - ლინ ბრიჯისი, პროდიუსერი და ავტორი, ხოლო მამა - ჯეიმს სპირსი. 

  • არის ამერიკის მოქალაქე
  • მეგობრობს მადონასთან, პერიზ ჰილტონთან, დემი ლოვატოსთან, კეიტ ჰიუდსონთან...

  • მისი ჰობია იოგა.
ეს პერსონა
Top